Bakı. TurkicWorld:

TurkicWorld-un rəsmi media sponsoru olduğu Balıkesir Universitetində (BAÜN) Gözəl Sənətlər Fakültəsi tərəfindən rus rəssamı Polina İlyuşkinanın rəsmlərinin nümayiş olunduğu Gözəl Dünya Sərgisi və İntibah Orkestrinin konserti təşkil olunub.

BAÜN Atatürk Konqres və Mədəniyyət Mərkəzində keçirilən tədbirdə Balıkəsir Universitetinin rektoru Prof. Dr. Yücel Oğurlu ilə yanaşı, prorektorlar Prof. Dr. Murat Doğdubay və Prof. Dr. Fatih Satıl, senat üzvləri, akademik və inzibati heyət, tələbələr və sənətsevərlər iştirak edib.

Tədbirdə əsərlərin sahibi rəssam Polina İlyuşkina çıxış edərək Balıkəsir Universitetində olmaqdan məmnunluğunu ifadə edib, sərgi haqqında iştirakçılara məlumat verib. İlyuşkina rektor prof. Dr. Yücel Oğurluya və tədbirdə iştirak edənlərə təşəkkür edib.

İntibah Orkestrinin musiqiçiləri də tədbirdə iştirak etməkdən məmnun olduqlarını bildirərək, göstərdikləri marağa görə sənətsevərlərə təşəkkürlərini bildiriblər.
Rektor Prof. Dr. Yücel Oğurlu bir universitet olaraq Balıkəsirdə beynəlxalq elmi, mədəniyyət və incəsənət tədbirləri təşkil etməyə davam etdiklərini bildirib və qonaq sənətçilərə təşəkkür edib. Əməkdaşların və tələbələrin tədbirə marağının qənaətbəxş olduğunu vurğulayan rektor Oğurlu oxşar tədbirlərin daha çox davam etdiriləcəyini də qeyd edib.
Balıkesir Universitetinin rektoru Prof. Dr. Yücel Oğurlu və qonaqlar daha sonra İntibah Orkestrinin konsertinin müşayiəti ilə Beautiful World (Gözəl Dünya) Sərgisini ziyarət edib.