Bakı. TurkicWorld:
Türkmənistanı Türk Dövlətləri Təşkilatının (TDT) tamhüquqlu üzvü kimi görmək istəyirik.
TurkicWorld-un məlumatına görə, bu barədə Türkiyə prezidenti Rəcəb Tayyib Ərdoğan deyib.
“Bugünkü görüşlərimizdə əlaqələrimizin bütün aspektlərini dəyərləndirdik. 13 sahə üzrə müqavilələr bağladıq. Türkmənistan enerji ehtiyatlarına görə dünyanın ən böyük ölkələri sırasındadır. Türkmənistan təbii qazı strateji dəyər qazanıb. Biz əməkdaşlıq mexanizmləri sayəsində enerji təhlükəsizliyi addımlarına əhəmiyyət veririk.” –deyə Ərdoğan bildirib.
O qeyd edib ki, görüş zamanı Xəzərdən keçən şərq-qərb dəhlizinin inkişafı məsələlərini müzakirə ediblər.
“Türkmənistandakı şirkətlərimiz 50 milyard dollardan artıq podrat layihələri həyata keçirib.” – deyə Ərdoğan əlavə edib.
Hafiz Rufizoğlu
