BAKI,TurkicWorld
25–27 sentyabr tarixlərində Fransanın Paris şəhərində keçirilən idman gimnastikası üzrə "Challenge" seriyasına aid Dünya kubokunda Nikita Simonov uğurlu çıxışı ilə fəxri kürsüdə yer alıb.
Bu barədə Azərbaycan Gimnastika Federasiyası məlumat yayıb.
Bildirilib ki, təsnifat mərhələsində halqalar proqramında 14.033 xal toplayaraq 4-cü pillədə qərarlaşan gimnastımız finala yüksəlib.
Həlledici mərhələdə çıxışını daha yüksək nəticə ilə tamamlayan Nikita Simonov 14.133 xal toplayaraq bürünc medal qazanıb.
Beləliklə, Parisdə keçirilən "Challenge" seriyasına aid Dünya kuboku ölkəmiz üçün daha bir medalla yadda qalıb.
