Bakı. TurkicWorld:

Bürünc medal qazandıq, təbii ki, çox xoşbəxtik, gələcəkdə daha da yaxşı nəticələr üçün çalışacağıq.

TurkicWorld xəbər verir ki, bu barədə qrup hərəkətləri üzrə Azərbaycan yığmasının üzvləri deyiblər.

Xatırladaq ki, Bakıda keçirilən bədii gimnastika üzrə Dünya Kubokunun ikinci yarış günündə Güllü Ağalarzadə, Kamilla Əliyeva, Yelizaveta Luzan, Darya Sorokina, Ləman Əlimuradova və Zeynəb Hümmətovadan ibarət Azərbaycan komandası çoxnövçülükdə üçüncü yeri tutub.

"Məşqçilərimizə, xoreoqraflarımıza və bizə dəstək olan hər kəsə təşəkkür edirik. Çox sağ olun, bu bizim ümumi işimiz, ümumi qələbəmizdir. Sabah Dünya Kubokunun son günündə iki finalda çıxış edəcəyik və mübarizə aparacağıq. İstəyirik ki, doğma gimnastika arenamızda Azərbaycanın dövlət himni səslənsin", - deyə Ləman Əlimuradova bildirib.

Zeynəb Gümmətova qeyd edib ki, yarış zamanı digər komandaların çıxışlarına baxmırlar, diqqətlərini öz proqramlarına yönəldirlər:

"Məşq edirik, hazırlaşırıq, bizim üçün vacibdir ki, bəstələrimizi düzgün edək. Dünya Kubokunun seçmə mərhələsində biz bir alət itirmədən iki proqramı başa vurduq, lakin hələ də üzərində çalışmalı olduğumuz çox şey var, çünki qeyri-dəqiqliklər var idi", - deyə o əlavə edib.

Qeyd edək ki, aprelin 19-21-də Bakıda Milli Gimnastika Arenasında bədii gimnastika üzrə Dünya Kuboku yarışları keçirilir.