BAKI,TurkicWorld
Qazaxıstan Prezidenti Kasım-Jomart Tokayev İranın Naxçıvan hava limanına dron hücumlarını pisləyib.
TurkicWorld Akorda-ya istinadən xəbər verir ki, bu barədə mətbuat katibi Aybek Smadiyarov bildirib.
"İranın Naxçıvan hava limanına dron hücumu ilə əlaqədar olaraq Prezident Qasım-Jomart Tokayev öz mövqeyini açıqlayıb. Bu, qardaş və müttəfiq ölkəmiz olan Azərbaycana qarşı bu hərəkətin qətiyyətlə pislənməsinə gətirib çıxarır", - məlumatda qeyd edilir.
Eyni zamanda, Prezident Tokayev hadisənin İranla birgə hərtərəfli araşdırılmasına, eləcə də regionda gərginliyin artmasının qarşısını almaq üçün münaqişə vəziyyətinin diplomatik yollarla həllinə ümid etdiyini bildirdi.
Qeyd edək ki, martın 5-də Naxçıvan Beynəlxalq Hava Limanına dron hücumu olub. İran ərazisindən uçan dron aeroportun binasına və Babək rayon Şəkərabad kənd tam orta məktəbin yaxınlığına düşərək partlayıb.
Hadisə nəticəsində 4 mülki şəxs xəsarət alıb. Azərbaycan Xarici İşlər Nazirliyinin hadisə ilə bağlı bəyanat yayaraq İran İslam Respublikası tərəfindən qısa müddət ərzində qeyd olunan məsələyə aydınlıq gətirilməsini, buna izahat verməsini və bu kimi halların gələcəkdə təkrarlanmaması üçün zəruri təxirəsalınmaz tədbirlər görməyi tələb edib.
İran İslam Respublikasının Azərbaycan Respublikasındakı fövqəladə və səlahiyyətli səfiri Müctəba Dərmiçilu Xarici İşlər Nazirliyinə çağırılıb. İran tərəfinə kəskin etiraz bildirilib.
