Sosial şəbəkələrdə Azərbaycanla Rusiya arasında quru sərhədlərin açılması ilə bağlı görüntülər yayılıb. Videogörüntülərdə "Samur" sərhəd keçid məntəqəsindən vətəndaşların rahat şəkildə keçərək Azərbaycana və qarşı tərəfə hərəkət etdiyi görünür.
Məsələ ilə bağlı Nazirlər Kabinetinin Mətbuat xidmətinin rəhbəri İbrahim Məmmədov TurkicWorld-un sorğusuna cavab olaraq bildirib ki, quru sərhədlərin açılması ilə bağlı məlumat yoxdur.
"Bu barədə heç nə bilmərəm. Məndə bu barədə məlumat yoxdur", - deyə İ.Məmmədov bildirib.
Xatırladaq ki, Azərbaycan və Rusiya Federasiyası arasında quru sərhədlər 31 mart 2020-ci il tarixindən etibarən bağlanıb.
