BAKI, TurkicWorld
İranın İslam İnqilabı Keşikçiləri Korpusu (SEPAH), ölkənin cənub-şərqində yerləşən Sistan və Bəluçistan əyalətinin Çabahar bölgəsində keçirdiyi əməliyyat zamanı altı terrorçunu zərərsizləşdirib.
TurkicWorld xəbər verir ki, SEPAH-ın Quru Qoşunlarına bağlı Qüds Qərargahı yayımladığı bəyanatda əməliyyatın uğurla başa çatdığını və nəticədə altı terrorçunun zərərsizləşdirildiyini bildirib.
Bəyanatda qeyd olunub ki, əməliyyat zamanı həm yüngül, həm də ağır silah-sursat, eləcə də böyük miqdarda partlayıcı maddə aşkarlanaraq ələ keçirilib.
SEPAH, bu əməliyyatın bölgədə təhlükəsizliyin təmin olunması və terrorçu qrupların fəaliyyətinə son qoyulması istiqamətində atılmış mühüm addım olduğunu vurğulayıb.
