Bakı. TurkicWorld:
Türkiyənin mədəniyyət və turizm naziri Mehmet Nuri Ersoy İslam Əməkdaşlıq Təşkilatının 11-ci Turizm Nazirləri Konfransında Şanlıurfanın 2023-cü ilin turizm şəhəri seçildiyini bildirib. TurkicWorld-un məlumatına görə, bu barədə Ərsoy öz Tvitter hesabından paylaşım edib.
“İslam Əməkdaşlıq Təşkilatının Bakıda keçirilən Turizm Nazirlərinin 11-ci Konfransında 4 ölkənin namizədləri arasından Şanlıurfa 2023-cü il üçün turizm şəhəri seçilib. Özbəkistanın Xivə şəhəri isə 2024-cü il üçün mədəniyyət şəhəri olacaq. Xeyirli olsun.", - deyə Ersoy bildirib.
Qeyd edək ki, İyunun 27-29-da Azərbaycanın paytaxtı Bakıda İslam Əməkdaşlıq Təşkilatına üzv ölkələrin Turizm Nazirlərinin 11-ci Konfransı keçirilib. Konfransda Türkiyəni mədəniyyət və turizm nazirinin müavini Özgür Özkan Yavuz təmsil edib.