Bakı. TurkicWorld:
Konayev şəhərinin baş planı prezident Tokayevə təqdim edilib.
TurkicWorld-un məlumatına görə, 2025-ci ilə qədər Qazaxıstanın Konayev şəhərinin layihə sahəsi 19 min hektara, əhalisi isə 200 min nəfərə çatacaq.
Yeni baş plana əsasən, Zhana Ile rayonunda yeni mədəniyyət və ictimai mərkəz tikiləcək. Burada sosial, mədəniyyət, yaşayış, təhsil və istirahət obyektləri açılacaqdır.
Şəhərin əsas klasterlərində və müəssisələrində 20 mindən çox iş yeri yaradılacaq. Bununla da kiçik və orta müəssisələrin sayı artacaq və 30 mindən çox insan işlə təmin olunacaq.
Almatı vilayətinin qubernatoru Marat Sultanqaziyev dövlət başçısına şəhərin bəndinin düzülməsi layihəsini təqdim edib. Sultanqaziyevin sözlərinə görə, 1000 metr uzunluğunda gəzinti zolağı salınacaq və gələcəkdə bu yol 3 min metrə qədər genişləndiriləcək.
Sultanqaziyev bildirib ki, rayonun rəqəmsallaşdırılmasına xüsusi diqqət yetiriləcək.
Bu çərçivədə rayonda 67 sosial obyektin yüksəksürətli internetə qoşulması layihəsi həyata keçirilir və gələcəkdə 5G layihəsinin həyata keçirilməsi üçün ümumilikdə 104 kilometr fiber optik rabitə xətti çəkilir.
Aytac Süleymanova
Twitter: a_alieva_
