BAKI,TurkicWorld, Nailə Babazadə
2025 -ci ilin sentyabrında Qazaxıstandan Türkiyəyə 73 min 56 turist səfər edib ki, bu da 2024-cü ilin sentyabrı ilə müqayisədə 15,02 faiz azdır.
Bu barədə TurkicWorld -a Türkiyə Mədəniyyət və Turizm Nazirliyindən bildiriblər.
Hesabat dövründə Türkiyəyə səfər etmiş əcnəbilər arasında Qazaxıstan vətəndaşlarının payı 1,20 faiz təşkil edib.
2025-ci ilin yanvar-sentyabr aylarında Qazaxıstandan Türkiyəyə 646 min 987 turist səfər edib ki, bu da ötən ilin müvafiq dövrü ilə müqayisədə 14,17 faiz azdır.
2025-ci ilin yanvar-sentyabr aylarında Türkiyəyə səfər etmiş əcnəbilər arasında Qazaxıstan vətəndaşlarının payı isə 1,56 faiz təşkil edib.
Nazirliyin məlumatında qeyd edilir ki, 2025-ci ilin sentyabrında Türkiyəyə 7 milyon 50 min 876 turist səfər edib ki, bu da ötən ilin sentyabrı ilə müqayisədə 2,62 faiz çoxdur.
2025 -ci ilin yanvar- sentyabr aylarında 49 milyon 992 min 520 turist səfər edib ki, bu da ötən ilin eyni dövrü ilə müqayisədə 1,65 faiz çoxdur.
