Ankara. TurkicWorld
2022-ci ilin yanvar-aprel aylarında İspaniyadan Türk limanlarına 5 milyon 411 min 350 ton yük daşınıb.
Bu barədə TurkicWorld-a Türkiyənin Nəqliyyat və İnfrastruktur Nazirliyindən məlumat verilib.
Nazirlikdən verilən məlumata görə, Türkiyə bayrağı altında üzən gəmilər İspanyadan limanlara 674 min 123 ton, digər ölkələrin bayraqları altında üzən gəmilər isə 4 milyon 625 min 624 ton yük çatdırıb.
Bu müddət ərzində İspanya bayraqlı gəmilər Türkiyə limanlarına 111 min 603 ton yük çatdırıb. 2022-ci ilin yanvar-aprel aylarında Türkiyə limanlarına İspaniyadan 965 min 405 ton tranzit yük daşınıb.
Qeyd edək ki, bu ilin aprel ayında Türkiyə limanları 32 milyon 60 min 961 ton yük qəbul edib. Bu yüklərin 2 milyon 91 min 276 tonu Türkiyə bayrağı altında üzən gəmilərlə, 29 milyon 969 min 685 tonu isə əcnəbi bayraqlı gəmilərlə qəbul edilib.
Aprel ayında Türkiyə limanlarından 7 milyon 197 min 777 ton tranzit yük aşırılıb.
Bu ilin yanvar-aprel aylarında Türkiyə limanları 130 milyon 875 min 205 ton yük qəbul edib. Bu yüklərin 6 milyon 59 min 121 tonu Türkiyə bayrağı altında üzən gəmilərlə, 121 milyon 816 min 84 tonu isə əcnəbi bayraqlı gəmilərlə qəbul edilib.
Yanvar-aprel ayında Türkiyə limanlarından 28 milyon ton tranzit yük aşırılıb. Məlumat üçün bildirək ki, keçən il Türkiyə limanları 386 milyon 396 min 718 ton yük qəbul edib.
