BAKI, TurkicWorld, Nailə Babazadə
2025-ci ilin yanvar – oktyabr aylarında Türkiyədən Rusiyaya polad ixracı ötən ilin eyni dövrü ilə müqayisədə 55,9 faiz azalaraq, 68 milyon 229 min 76 dollara bərabər olub.
Bu barədə TurkicWorld-a Türkiyə Ticarət Nazirliyindən məlumat verilib.
Türkiyə 2025-cü ilin oktyabr ayında Rusiyaya polad ixracını 2024-cü ilin eyni dövrü ilə müqayisədə 38,2 faiz azalaraq, 10 milyon 775 min 12 dollara çatdırıb.
Qeyd edək ki, 2025-ci ilin yanvar-oktyabr aylarında Türkiyənin polad ixracı ötən ilin eyni dövrü ilə müqayisədə 2,1 faiz artaraq, 13 milyard 735 milyon 173 min dollara bərabər olub.
“Bu ilin oktyabr ayında Türkiyə 1 milyard 294 milyon 1 min dollar məbləğində polad ixrac edib ki, bu da keçən ilin oktyabr ayı ilə müqayisədə 3,2 faiz çoxdur” – deyə nazirlikdən bildirilib.
Qeyd olunub ki, son 12 ay ərzində (oktyabr 2024-oktyabr 2025) Türkiyə 16 milyard 414 milyon 802 min dollar məbləğində polad ixrac edib.
