BAKI,TurkicWorld,Yusif Şərifzadə
ABŞ-də neft qiymətlərinin həftəni bir barel üçün 100 dollardan yuxarı səviyyədə başa vuracağı gözlənilir. Enerji bazarlarında qiymət artımı qlobal neft tədarükü və əsas dəniz nəqliyyatı yollarının təhlükəsizliyi ilə bağlı narahatlıqlar fonunda baş verir.
TurkicWorld xəbər verir ki, JTD Energy Services şirkətinin direktoru Con Driskoll dizel yanacağının və “Brent” markalı neftin bahalaşmasını qlobal enerji bazarlarında yaranan pozuntuların güclənməsi ilə əlaqələndirib.
Driskoll bildirib ki, geosiyasi gərginlik və neft daşımaları üçün mühüm əhəmiyyət daşıyan dəniz yollarına qarşı təhdidlər enerji tədarükünü risk altında saxlayır.
Onun sözlərinə görə, əsas nəqliyyat marşrutlarında mümkün fasilələr qlobal bazarda təkliflə bağlı narahatlıqları artıraraq neft və yanacaq qiymətlərinə əlavə təzyiq göstərir.
