BAKI,TurkicWorld,Yusif Şərifzadə
Danimarka bayrağı altında üzən neft məhsulları tankeri "Torm Innovation" Qırmızı dənizin cənub hissəsində təhlükəsizlik risklərinin artması səbəbindən Asiyaya səfər marşrutunu dəyişib. Gəminin sahibi olan şirkət ekipajın təhlükəsizliyinin əsas prioritet olduğunu bildirib.
TurkicWorld xəbər verir ki, Danimarkanın Torm şirkəti tankerin yükünü Asiyaya çatdırmaq üçün Süveyş kanalı marşrutundan istifadə edəcəyini, daha sonra isə Ümid burnu istiqamətindən hərəkət edəcəyini açıqlayıb. Şirkətin sözçüsünün bildirdiyinə görə, bu qərar Qırmızı dənizin cənubunda mövcud təhlükəsizlik vəziyyəti nəzərə alınaraq qəbul edilib.
Marşrut dəyişikliyi husilərin bazar ertəsi Səudiyyə Ərəbistanına qarşı dəniz blokadası elan etməsindən sonra baş verib. Bu addımın regionda gərginliyi artırdığı və qlobal enerji tədarükü ilə beynəlxalq ticarət üçün yeni risklər yaratdığı bildirilir.
Məlumata əsasən, "Torm Innovation" tankeri Səudiyyə Ərəbistanının Yənbu limanında nafta yükləyib. Gəminin son təyinat məntəqəsinin Yaponiya olduğu qeyd edilir.
Şirkət vurğulayıb ki, ekipajın təhlükəsizliyinin təmin olunması bütün digər məsələlərdən üstün tutulur və marşrut seçimi də məhz bu prinsip əsasında müəyyənləşdirilib.
