BAKI,TurkicWorld,Yusif Şərifzadə
ABŞ Prezidenti Donald Tramp İranın danışıqları davam etdirmək istədiyini və Vaşinqtonun bu təklifi qəbul etdiyini bildirib.
TurkicWorld xəbər verir ki, Tramp açıqlamasında ABŞ-ın İranla danışıqlara qayıtmağa razı olduğunu desə də, iki ölkə arasında əldə olunan atəşkəsin artıq qüvvədə olmadığını qeyd edib.
ABŞ Prezidenti bildirib ki, Tehran danışıqlar prosesinin davam etdirilməsi üçün müraciət edib və Vaşinqton bu istiqamətdə addım atmağa hazırdır.
Bununla yanaşı, Tramp son günlərdə artan qarşılıqlı hücumlar fonunda atəşkəs vəziyyətinin başa çatdığını vurğulayıb.
ABŞ və İran arasında diplomatik təmasların yenidən gündəmə gəlməsi Qətər və Pakistan kimi vasitəçi ölkələrin səylərinin davam etdiyi bir vaxtda baş verir.
Analitiklər hesab edirlər ki, mümkün yeni danışıqların əsas məsələləri arasında Hörmüz boğazında təhlükəsizlik, hərbi eskalasiyanın dayandırılması və əvvəlki anlaşma çərçivəsinin qorunması olacaq.
