BAKI,TurkicWorld,Yusif Şərifzadə
Hizbullah İsrail qüvvələrinin Livanın cənubuna doğru irəliləyiş cəhdinin qarşısının alındığını bildirib.
TurkicWorld xəbər verir ki, təşkilat bu barədə rəsmi açıqlama yayıb.
Məlumata görə, İsrail qüvvələrinin son dörd gün ərzində bölgədə əməliyyat apardığı iddia olunur.
Hizbullah bildirir ki, İsrail hərbçiləri və tanklarına dronlar, raketlər və artilleriya ilə zərbələr endirilib.
Açıqlamada İsrail qüvvələrinin Kfar Tebnit istiqamətində irəliləməsinin qarşısının alındığı qeyd edilib.
Nəbatiyyə yaxınlığında baş verən döyüşlərdə İsrail tərəfinin geri çəkilməyə məcbur olduğu iddia olunur.
Hizbullah həmçinin gecə saatlarında helikopterlərin yaralıları təxliyə etdiyini bildirib.
İsrail tərəfi isə bu iddialarla bağlı hələlik rəsmi açıqlama verməyib.
