BAKI, TurkicWorld
Finlandiya Rusiya səfirini ölkənin hava məkanını pozduğu iddiası ilə nazirliyə çağırıb.
TurkicWorld xəbər verir ki, Finlandiya Xarici İşlər Nazirliyi Rusiyanın Helsinkidəki səfiri Pavel Kuznetsovu iki Rusiya hərbi təyyarəsinin Porvoo sahillərində hava məkanını pozması ilə bağlı izahat vermək üçün nazirliyə dəvət edib.
Finlandiya Müdafiə Nazirliyi insidentlə bağlı “qayda pozuntu şübhəsi” olduğunu bildirib və hadisə ilə əlaqədar araşdırma başladılıb. Müdafiə naziri Antti Edvard Hakkanen bu halı ciddi qəbul etdiklərini vurğulayıb.
Qeyd edək ki, mayın 23-də Finlandiyanın Müdafiə Nazirliyi Rusiya hərbi təyyarələrinin ölkənin hava məkanını pozduğuna dair şübhə ilə bağlı rəsmi açıqlama yayıb.
