Bakı. TurkicWorld:
Türk mifologiyasında Kubay Xatun - doğum ilahəsidir. Həyat ağacı Uluqayının içində yaşayır. Bu ağacın kökündən Həyat Suyu axır. Yarı belinə qədər çılpaqdır. Ayaqları və qıçları ağac kökünü xatırladır. Ciddi baxışları və uzun saçları vardır.
Mifoloji inanca görə, Kubay Xatun uşaqların və qadınların qoruyucusudur. Doğum edən qadınları qoruyur. Hamilə qadın doğum edərkən göydən enib onun yanında durur, lakin qadın onu görə bilmir. Zahının ağrılarını yüngülləşdirir. Süd gölündən yanındakı tuluqlarla gətirdiyi südü doğulacaq uşağın ağzına damcıladır. Uşağa ruh verir. Uşaq doğulduqdan üç gün sonra gedir. Yer üzündə saf və təmiz olan şeyləri qoruyur.
