Bakı, TurkicWorld:

Türkiyənin Memleket Partiyasının sədri Muharrem İncə prezident namizədliyindən geri çəkilməsinə baxmayaraq, ona verilən səslər hesaba alınacaq.

TurkicWorld xəbər verir ki, bu barədə Türkiyənin Ali Seçki Şurasının (YSK) rəhbəri Ahmet Yener bildirib.

Qeyd edək ki, Türkiyənin Memleket Partiyasının sədri Muharrem İncə mayın 11-də CHP və terror təşkilatlarının onun haqqında şantaj xarakterli görüntüləri yayması səbəbilə prezident namizədliyindən geri çəkidiyini açıqlayıb.

Məlumat üçün bildirək ki, Türkiyədə Prezident və parlament seçkiləri 14 may 2023-cü il tarixində keçiriləcək. Türkiyə prezidenti, Ədalət və İnkişaf Partiyasının (AK Parti) rəhbəri Rəcəb Tayyib Ərdoğan, Ata İttifaqının namizədi Sinan Oğan və Cumhuriyyət Xalq Partiyasının (CHP) sədri Kamal Kılıçdaroğlunun namizədliyi təsdiqlənib.

Ləman Əsədli

Twitter: lamanasadli01