Bakı, TurkicWorld
Türkiyənin Ulu Öndəri Qazi Mustafa Kamal Atatürkün əbədi məzarı olan Anıtkabir 2024-cü ildə rekord sayda insan tərəfindən ziyarət olunub.
TurkicWorld xəbər verir ki, Anıtkabirin ziyarətçi sayında əvvəlki illərə nisbətən nəzərəçarpan artım qeydə alınıb
Bu il ərzində 6 milyon 550 min 480 yerli və xarici ziyarətçi Anıtkabiri ziyarət edib.
Ziyarətçi statistikasına əsasən, hər ay fərqli sayda insan Anıtkabiri ziyarət edib. Ən çox ziyarət noyabr ayında, ən az ziyarət isə mart ayında olub.
Anıtkabirin ən çox ziyarətçi qəbul etdiyi günlər isə milli bayramlarla üst-üstə düşüb. Xüsusilə, 10 noyabr tarixi ən izdihamlı gün olub.
Anıtkabirin ziyarətçi sayı ildən-ilə artaraq, Atatürkün xatirəsinə olan böyük hörməti və sevgini göstərir. Ziyarətçilər arasında Türkiyə vətəndaşları ilə yanaşı, çoxlu sayda xarici qonaq da yer alır.
