Bakı, TurkicWorld
Maltanın paytaxtı Vallettada Avropada Təhlükəsizlik və Əməkdaşlıq Təşkilatının (ATƏT) 31-ci Nazirlər Şurası sammiti 57 ölkədən nümayəndələrin iştirakı ilə öz işinə başlayıb.
TurkicWorld xəbər verir ki, Türkiyəni xarici işlər naziri Hakan Fidanın təmsil etdiyi sammitin açılış nitqini Maltanın xarici işlər naziri Yan Borq edib.
Borq çıxışında ATƏT-in institusional çətinliklərinə diqqət çəkərək, 2021-ci ildən bəri təşkilatın ortaq büdcəsi olmadığını və çoxtərəfli diplomatiyada böhran yaşandığını vurğulayıb.
İki gün davam edəcək sammitdə ABŞ dövlət katibi Entoni Blinken, Ukraynanın xarici işlər naziri Andrii Sibiha və Rusiyanın xarici işlər naziri Sergey Lavrov da iştirak edir.
Sammitdə beynəlxalq sülh və təhlükəsizliyin təmin olunması, çoxtərəfli diplomatiyanın gücləndirilməsi, həmçinin Ukrayna ilə bağlı mövcud vəziyyət və gələcək perspektivlər müzakirə ediləcək.
