Bakı,TurkicWorld
Türkiyədə üç həftə ərzində 76 şəhərdə həyata keçirilən "Narkoçelik" əməliyyatlarında 2 ton 12 kiloqram narkotik maddə ələ keçirilib, 2 min 248 şübhəli saxlanılıb.
TurkicWorld xəbər verir ki, bu barədə Türkiyənin Daxili İşlər Naziri Ali Yerlikaya X sosial media hesabında paylaşım edib.
Yerlikaya əməliyyatların 3 min 165 qrup, 8 min 236 personal, 34 təyyarə və 82 narkotik axtaran itin iştirakı ilə həyata keçirildiyini bildirib.
"Cəmiyyətimizin gələcəyini və əmin-amanlığını təhdid edən narkotik satıcılarına qarşı hamımız qətiyyətlə mübarizə aparmalıyıq. Gələcəyimizin qarantiyası olan gənclərimizi narkotikdən uzaq tutmaq ortaq borcumuzdur" ",- deyə paylaşımda qeyd olunub.
