Bakı. TurkicWorld:
Türkiyə cənub sərhədlərində, Suriyada və şimalında terror təşkilatlarının möhkəmlənməsinə imkan verməyəcək.
TurkicWorld xəbər verir ki, bu sözləri Türkiyə prezidenti Rəcəb Tayyib Ərdoğan deyib.
Ərdoğan onu da vurğulayıb ki, Türkiyə qlobal inkişaflardan uzaq bir ölkə deyil.
"Hazırda dünyada ən şiddətli münaqişələrin, siyasi böhranların, münaqişələrin yaşandığı coğrafiyadayıq. Bəşəriyyətin gündəmini zəbt edən bütün hadisələr Türkiyənin bilavasitə yaxınlığında cərəyan edir. Qonşu dövlət Suriyada hələ də xaos və qeyri-sabitlik hökm sürür. Terror təşkilatının referendum bəhanəsi ilə ölkəmizin və Suriyanın ərazi bütövlüyünə qarşı təcavüzkar hərəkətlərini yaxından izləyirik. Biz bu məsələ ilə bağlı siyasətimizi əvvəllər də çox aydın ifadə etmişik. Bildirmək istəyirəm ki, İŞİD terror təşkilatına qarşı mübarizə arqumentinin artıq bizim gözümüzdə heç bir əsası yoxdur. Biz İŞİD-ə qarşı mübarizə aparan və bu təşkilatı məğlub edən yeganə NATO müttəfiqiyik", - deyə o əlavə edib.
