Səslərin sayılma prosesi başlayıb - YSK

Səslərin sayılma prosesi başlayıb - YSK

Bakı. TurkicWorld:

Səslərin sayılma prosesi başlayıb.

TurkicWorld xəbər verir ki, bu barədə Türkiyə Ali Seçki Şurasının sədri Ahmet Yener deyib.

"Səsvermə bitdi, sayma prosedurları başladı. Səsvermə prosesi bəzi təcrid olunmuş hadisələr istisna olmaqla, heç bir problem olmadan tamamlandı" – deyə o qeyd edib.

Yener bildirib ki, məlumatların daxil edilməsi davam edir.

Qeyd edək ki, 61 milyon 441 mindən çox seçici səs verdiyi seçkilərdə 34 siyasi partiyanın namizədləri ilə yanaşı, müstəqil namizədlər də mübarizə aparıblar. Ölkə üzrə 206 mindən çox seçki qutusu qurulub.

Əlavə olaraq bildirək ki, Türkiyənin iqtidarda olan Ədalət və İnkişaf Partiyasından (AK Parti) İstanbul Böyükşəhər Bələdiyyə başçılığına Murat Kurum, Ankara Böyükşəhər Bələdiyyə başçısı vəzifəsinə isə Turgut Altınokun namizədliyi irəli sürülüb.

Türkiyənin müxalifət Cümhuriyyət Xalq Partiyasından (CHP) isə İstanbul Böyükşəhər Bələdiyyə başçısı vəzifəsinə Əkrəm İmamoğlunun, Ankara Böyükşəhər Bələdiyyə başçısı vəzifəsinə isə Mansur Yavaşın namizədliyi irəli sürülüb.

Hafiz Rufizoğlu