Bakı. TurkicWorld:
7-8 noyabr tarixlərində İstanbulda 12-ci Türkiyə Külək Enerjisi Konqresi keçiriləcək.
TurkicWorld-un məlumatına görə, Türkiyə Külək Enerjisi Dərnəyi (TÜREB) tərəfindən təşkil edilən Türkiyə Külək Enerjisi Konqresi (TÜREK) 7-8 noyabr tarixlərində İstanbulda “Külək Əsri” mövzusu ilə keçiriləcək.
Türkiyənin Enerji və Təbii Sərvətlər, Sənaye və Texnologiya nazirliklərinin yüksək səviyyəli nümayəndələri ilə sektorun aparıcı investorlarının bir araya gələcəyi “Məsləhətləşmə Toplantısı” ilə başlayacaq konqres, Türkiyədən və dünyanın hər yerindən üç mindən çox külək mütəxəssisini İstanbulda bir araya gətirəcək.
TÜREK-in bütün küləklə əlaqəli mövzuları əhatə edən proqramında türk və xarici natiqlərin külək texnologiyaları və gələcəyin rəqəmsallaşma kontekstlərini müzakirə edəcəyi sessiyalar, keçən il böyük diqqət çəkən, WindEurope ilə əməkdaşlıq çərçivəsində təşkil ediləcək "Türkiyə Təchizat Zirvəsi" tədbirləri yer alır. İki gün davam edəcək tədbirdə yaxın gələcəyin sektor peşəkarları olan universitet tələbələrinin sektorla ilkin tanış olacağı "Karyera Festivalı", fərqli kateqoriyalarda veriləcək və "Küləyə Güc Verənlər Mükafatları" Türkiyənin enerji gündəmini təyin edəcək.
Konqresdə investisiyalar, sənaye inkişafı, maliyyə, xidmətə texniki qulluq və quruda küləyə həsr olunmuş mövzularla yanaşı, “Gələcəyin küləyi” çərçivəsində enerjinin saxlanması, dəniz külək enerjisi, hibrid və hidrogenlə bağlı ayrıca bölmə də yer alacaq.
Digər tərəfdən, TÜREK 2023 çərçivəsində Avropa turbin və komponent istehsalçılarının tədarük zənciri menecerlərinin birbaşa türk tədarükçüləri ilə görüşməsinə imkan verəcək "Türkiyə Təchizatçılar Günü" tədbiri bu il ilk dəfə olaraq TÜREK 2023 ilə əməkdaşlıq çərçivəsində həyata keçiriləcək.
