Bakı, TurkicWorld:
Ankarada ümumilikdə 18 nəfər olmaqla İraq İslam Şam Dövləti (İŞİD) terror qrupunun üzvləri saxlanılıb.
TurkicWorld AzerPress-ə istinadən məlumat verir ki, anti-terror əməliyyatı Türkiyə Kəşfiyyatı (MİT) və Ankara Terrorla Mübarizə İdarəsi ilə ortaq keçirilib.
Məlumata əsasən, saxlanılanların hamısının əcnəbi vətəndaş olduğu bildirilsə də, onların vətəndaşlığı açıqlanmayıb. Hal-hazırda terror təşkilatının digər üzvlərinin axtarılması üçün əməliyyat keçirilir.
Əməliyyatın detalları haqqında geniş məlumat verilməyib.
