Bakı. TurkicWorld:
Qəzza zolağında mülki əhalini qorumaq və humanitar yardım göstərmək üçün dərhal atəşkəs elan edilməlidir.
TurkicWorld xəbər verir ki, bu barədə Türk Dövlətləri Təşkilatı Astana Bəyannaməsində bildirilib.
Məlumata əsasən, Türk Dövlətləri Təşkilatına üzv dövlətlərin liderləri İsrail-Fələstin münaqişəsindən ciddi narahat olduqlarını və mülki əhalini hədəf alan bütün hücumları pislədiklərini bildiriblər.
Xatırladaq ki, bu gün Qazaxıstanın paytaxtı Astanada Türk Dövlətləri Təşkilatının (TDT) 10-cu sammiti keçirilib.
Qeyd edək ki, İsrailin Qəzzanın hər bölgəsini hədəf alan hücumları 27 oktyabrda bölgənin şimalında intensivləşib.
Qəzzada İsrailin hücumları nəticəsində həyatını itirənlərin sayı 9 min 61-ə çatıb, 32 min nəfər yaralanıb.
Ləman Əsədli
