Bakı. TurkicWorld:
Avropa İttifaqı (Aİ) Cənubi Qafqazda sülhün bərqərar olması üçün bütün mümkün dəstəyi göstərir.
TurkicWorld-un məlumatına görə, bunu Aİ-nin Azərbaycandakı səfiri Peter Mixalko 9 may Avropa Gününə həsr olunmuş mətbuat konfransında deyib.
"Aİ Azərbaycanla Ermənistan arasında münasibətlərin normallaşmasını fəal şəkildə dəstəkləməkdə davam edir", - P.Mixalko deyib.
Onun sözlərinə görə, Aİ həm də azad edilmiş ərazilərdə minaların təmizlənməsi prosesinin qətiyyətli tərəfdarlarından biridir.
"Aİ Azərbaycan Minatəmizləmə Agentliyinə texniki kömək təqdim etməklə Qarabağda minaların təmizlənməsi prosesini dəstəkləyir", - deyə o bildirib.
