Bakı. TurkicWorld:
Tengiz və Korolev neft yataqları operatoru "Tengizşevroyl" Türkiyədəki zəlzələ səbəbindən Bakı-Tbilisi-Ceyhan boru kəməri ilə neft ixracına başlaya bilməyib.
TurkicWorld bu barədə Qazaxıstan mediasına istinadən xəbər verir.
"Tengizşevroyl"un idarəedici direktoru Kevin Layon Türkiyədəki zəlzələnin yerli infrastruktura, o cümlədən Ceyhan terminalına təsir etdiyini deyib.
O həmçinin hazırda şirkətin sınaq tədarüklərini başlada bilmədiyini və bu səbəbdən marşrutun qeyri-işlək qaldığını əlavə edib.
"Tengizşevroyl" Bakı-Tbilisi-Ceyhan boru kəmərindən mövcud ixrac imkanlarının diversifikasiyasında istifadə etməyə çalışıb. Chevron "Tengizşevroyl"da 50 faiz, ExxonMobil Kazakhstan Ventures Inc. 25 faiz, "KazMunayQaz" və "Lukarko" milli neft-qaz şirkətləri isə müvafiq olaraq 20 faiz və 5 faiz paya malikdirlər.