BAKI,TurkicWorld, Orxan Qədirzadə
2026-ci ilin mart ayında Türkiyədə Azərbaycan kapitalı ilə 65 şirkət qeydiyyata alınıb ki, bu da 2025-ci ilin eyni dövrü ilə müqayisədə 31 şirkət çoxdur.
Bu barədə TurkicWorld -ə Türkiyə Ticarət və Sənaye Palatasından (TOBB) məlumat verilib.
“Hesabat dövründə Türkiyədə qeydiyyata alınan Azərbaycan şirkətlərinin məcmu kapitalı 181 milyon 587 min türk lirəsi olduğu halda, 2025-ci ilin eyni dövründə bu rəqəm 34 milyon 850 min türk lirəsi təşkil edib”, – deyə TOBB-dan bildirilib.
Qurumdan o da qeyd olunub ki, 2026-cı ilin mart ayında Azərbaycan şirkətlərinin əksəriyyəti İstanbulda (43) qeydiyyata alınıb.
“İstanbulda qeydiyyatdan keçən Azərbaycan şirkətlərinin ümumi kapitalı 145 milyon 100 min türk lirəsi təşkil edib”, – deyə TOBB-dan qeyd edilib.
Məlumata əsasən, 2026-cı ilin yanvar-mart ayında Türkiyədə Azərbaycan kapitalı ilə 28 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.
