BAKI, TurkicWorld, Orxan Qədirzadə
İqtisadiyyat Nazirliyi IDEA İctimai Birliyinin və Ümumdünya Təbiəti Mühafizə Fondunun birgə təşəbbüsü ilə martın 28-də beynəlxalq “Yer saatı” kampaniyasına qoşulacaq.
TurkicWorld, İqtisadiyyat Nazirliyinə istinadən xəbər verir ki, kampaniya çərçivəsində Nazirliyin inzibati binasında fasad işıqları yerli vaxtla saat 20:30-dan 21:30-dək söndürüləcək.
“Yer saatı” hər il dünyanın müxtəlif ölkələrində milyonlarla insan və minlərlə təşkilat tərəfindən dəstəklənən qlobal ekoloji aksiyadır. Kampaniya çərçivəsində bir saatlıq işıqların söndürülməsi vasitəsilə planetimizin qorunmasına çağırış edilir.
