COP29-un Bakıda keçirilməsi ABŞ-də müsbət qarşılanır

COP29-un Bakıda keçirilməsi ABŞ-də müsbət qarşılanır

Bakı. TurkicWorld:

Azərbaycanın BMT-nin İqlim Dəyişmələri üzrə Çərçivə Konvensiyasının 29-cu Sessiyasına (COP29) sədrliyi dünyada rezonans doğurur və nüfuzlu ekspertlər tərəfindən müsbət qarşılanır.

TurkicWorld ABŞ-nin Xəzər regionu üzrə aparıcı beyin mərkəzlərindən biri olan "Caspian Policy Center"ə istinadən xəbər verir ki, məsələ ilə bağlı hazırda təqaüddə olan tanınmış amerikalı diplomat Riçard E.Houqland şərh bildirib.

"Azərbaycanın COP29-da gözlənilən sədrliyi Avropanın Xəzər regionuna marağını artıracaq", - ekspert deyib.

Qeyd edək ki, Houqland vaxtilə ABŞ-nin Qazaxıstanda fövqəladə və səlahiyyətli səfiri olub, ABŞ-nin Qarabağ problemli üzrə vasitəçisinin öhdəliklərini icra edib və MDB ölkələrində bir sıra diplomatik öhdəliklər yerinə yetirib.

Qeyd edək ki, COP29 11-12 noyabr 2024-cü il tarixlərində Bakıda keçiriləcək.

Xatırladaq ki, COP29 konfransının Azərbaycanda keçirilməsi barədə rəsmi qərar 2023-cü il dekabrın 11-də Dubayda elan olunub. Azərbaycan bu ilin noyabrında tədbirə ev sahibliyi edəcək.