BAKI,TurkicWorld,Yusif Şərifzadə
Beynəlxalq Valyuta Fondunun baş iqtisadçısı Pyer-Olivye Qurenşa ABŞ Federal Ehtiyat Sisteminin rəhbəri Kevin Uorşun pul siyasəti üzrə faiz gözləntilərinə dair yönləndirməni azaltmaq planını düzgün addım kimi qiymətləndirib.
TurkicWorld xəbər verir ki, Pyer-Olivye Qurenşa bildirib ki, mərkəzi bankların bazarlara uzunmüddətli istiqamət verməsi müəyyən dərəcədə vacibdir.
Bununla belə, onun sözlərinə görə, güclü öncədən yönləndirmə son illərdə mənfi qarşılanıb. Çünki belə yanaşma mərkəzi bankları iqtisadi vəziyyət dəyişsə belə, gələcəkdə müəyyən addım atmağa məcbur edə bilər.
Gələn həftə vəzifəsini tərk edərək akademik fəaliyyətə qayıdacaq Qurenşa qeyd edib ki, bu baxımdan faiz siyasətində daha çevik yanaşmaya üstünlük verilməsi məqsədəuyğundur.
