BAKI, TurkicWorld
İsrailin baş naziri Benyamin Netanyahu Beynəlxalq Cinayət Məhkəməsinin verdiyi həbs qərarına baxmayaraq Macarıstana rəsmi səfər edib.
TurkicWorld xəbər verir ki, Netanyahu Macarıstanın baş naziri Viktor Orbanın dəvəti ilə Budapeştə gəlib.
O, Liszt Ferenc beynəlxalq hava limanında Macarıstanın müdafiə naziri Kristof Szalay-Bobrovniczky tərəfindən qarşılanıb.
Səfər çərçivəsində Netanyahu və Orban arasında ikitərəfli görüşlərin keçirilməsi, həmçinin təhlükəsizlik, iqtisadi və siyasi əməkdaşlıq məsələlərinin müzakirə olunması planlaşdırılır.
Qeyd edək ki, Beynəlxalq Cinayət Məhkəməsi (BCM) Netanyahunun Qəzzada törədilən hərbi cinayətlərə görə məsuliyyət daşıdığını əsas gətirərək onun həbsinə order verib. Buna baxmayaraq, İsrail hökuməti bu qərarı rədd edib və Netanyahunun beynəlxalq diplomatik fəaliyyətini davam etdirdiyini bildirib.
