Bakı, TurkicWorld
ABŞ dövlət katibi Marko Rubio, İsraildən başlayan bölgəyə ilk rəsmi səfəri zamanı HƏMAS-ın Qəzza zolağında siyasi və hərbi imkanlarının tamamilə aradan qaldırılmalı olduğunu bəyan edib.
TurkicWorld, AzerVoice-ə istinadən xəbər verir ki, Rubionun bu açıqlaması, İsrailin baş naziri Benyamin Netanyahunun altıncı məhbus mübadiləsindən sonra səsləndirdiyi fikirlərlə üst-üstə düşür.
Qüdsdə keçirilən mətbuat konfransında Netanyahu ABŞ-la birlikdə Qəzza mövzusunda ortaq strategiya yürütməkdə olduqlarını bildirib.
"Bizim ümumi strategiyamız var və biz həmişə bu strategiyanın təfərrüatlarını ictimaiyyətlə bölüşə bilmərik... HƏMAS-ın hərbi potensialını və siyasi hakimiyyətini aradan qaldıracağıq." - deyə bildirib.
Rubio da HƏMAS-ın sıradan çıxarılmasının zəruriliyini vurğulayaraq, "HƏMAS hərbi güc və ya hökumət olaraq qalmağa davam edə bilməz... O, aradan qaldırılmalıdır." - deyə vurğulayıb.
Qeyd edək ki, ABŞ-ın Yaxın Şərq üzrə elçisi Steve Witkoff, bazar ertəsi günü İsrail və HƏMAS arasında atəşkəs razılaşmasının ikinci mərhələsinə dair danışıqların bu həftə “müəyyən ediləcək bir yerdə” davam edəcəyini bildirib.
