Bakı, TurkicWorld
İranın yeni seçilən prezidenti Məsud Pezeşkian sayca 14-cü hökumətdə fəaliyyət göstərəcək şəxslərin təyin olunması üçün kriteriyaları açıqlayıb.
TurkicWorld xəbər verir ki, bu barədə İranın yeni seçilən prezidenti Məsud Pezeşkianın ofisi məlumat yayıb.
Məlumata görə, Pezeşkianın hökumətində fəaliyyət göstərəcək şəxslərin 18 kriteriyası olmalıdır.
Qeyd edək ki, İranda 5 iyulda keçirilən növbədənkənar prezident seçkilərinin 2-ci turunda "İslahatçılar" düşərgəsinin nümayəndəsi Məsud Pezeşkian təxminən 16,4 milyon səslə qalib gəlib. Onun rəqibi "Mühafizəkarlar" düşərgəsinin nümayəndəsi Səid Cəlili isə 13,5 milyon səs toplayıb.
Xatırladaq ki, 19 mayda İran prezidenti İbrahim Rəisi, xarici işlər naziri Hüseyn Əmir Abdullahian, İranın Ali Liderinin Təbriz üzrə nümayəndəsi Məhəmməd Əli Ali Haşim, Şərqi Azərbaycan vilayətinin valisi Malik Rəhmətini Xudafərindən Təbrizə aparan helikopter vilayətin Vərzəqan rayonunda qəzaya uğrayıb. Qəza nəticəsində 9 nəfər həlak olub.
