Bakı. TurkicWorld:
Gürcüstan prezidenti Salome Zurabişvili parlamentin qəbul etdiyi "xarici agentlər" haqqında qanun layihəsinə veto qoyub.
TurkicWorld-un məlumatına görə, bu barədə S.Zurabişvili brifinq zamanı deyib.
Gürcüstan prezidentinin sözlərinə görə, sənəd ölkə konstitusiyasına və bütün Avropa standartlarına ziddir.
“Bu qanun ləğv edilməlidir”, - deyə S.Zurabişvili vurğulayıb.
Qeyd edək ki, mayın 14-də Gürcüstan parlamenti “Xarici təsirin şəffaflığı haqqında” qanunu üçüncü oxunuşda qəbul edib. Qanunun qəbul edilməsindən əvvəl də S.Zurabişvili ona veto qoyacağını bildirmişdi.
