Bakı. TurkicWorld:
ABŞ Türkiyəyə Rusiyadan aldığı S-400 Hava Hücumundan Müdafiə Sistemini Ukraynaya göndərməyi təklif edib.
TurkicWorld-un məlumatına görə, bunu Türkiyənin Xarici İşlər naziri Mövlud Çavuşoğlu qeyd edib.
"ABŞ Türkiyənin Rusiyadan aldığı S-400 Hava Hücumundan Müdafiə Sistemini Ukraynaya göndərməyi təklif etsə də biz bu təklifi rədd etdik" - deyə nazir bildirib.
Məlumat üçün qeyd edək ki, 2017-ci ilin sentyabr ayında Türkiyə Rusiya Federasiyası ilə iki eskadrilya (4 batareya) S-400 Hava Hücumundan Müdafiə Sisteminin (HSS) “təcili ehtiyac” çərçivəsində tədarükü üçün 2,5 milyard dollarlıq müqavilə imzalayıb. Bu razılaşma ilə Türkiyə Rusiyadan S-400 alan ilk NATO ölkəsi olub.
1,3 milyard dollar dəyərində ilk S-400 donanması da daxil olmaqla hissələrin tədarükü 2019-cu ilin iyul ayından etibarən Türkiyə Hərbi Hava Qüvvələrinə təhvil verilib