Bakı, TurkicWorld
Yunanıstanın xarici işlər naziri Yorgos Yerapetritis, Yunanıstanın Türkiyənin Avropa Birliyinə (AB) doğru irəliləyişini dəstəklədiyini bildirib.
TurkicWorld xəbər verir ki, o bu barədə Brüsseldə keçirilən qeyri-rəsmi Avropa İttifaqı (Aİ) Xarici İşlər Nazirləri Toplantısı öncəsi açıqlama verib.
Yerapetritis, Türkiyənin xarici işlər nazirinin bu görüşə 5 ildən sonra ilk dəfə qatılmasının kritik bir əhəmiyyət daşıdığını qeyd edib. O, görüşün Türkiyə-Avropa əlaqələrini müzakirə etmək üçün yaxşı bir fürsət olacağını ifadə edərək, "Yunanıstan əsasən Türkiyənin Avropada irəliləməsinin tərəfdarıdır" deyib.
Yunanıstan xarici işlər naziri, həmçinin Birləşmiş Millətlər Təşkilatının (BMT) təşəbbüsü ilə Kipr probleminin həlli üçün danışıqların yenidən başlanması səylərinin son dərəcə vacib olduğunu bildirib. Yerapetritis, bu gün Brüsseldə keçirilən görüş çərçivəsində Hakan Fidan ilə ikitərəfli görüşdə bu məsələləri müzakirə edəcəklərini də əlavə edib.
