Bakı. TurkicWorld:
Bu ilin sonuna qədər Türkiyə İsveçin NATO-ya üzvlüyünü təsdiqləyə bilər.
TurkicWorld-un məlumatına görə, bu sözləri Türkiyənin Xarici İşlər naziri Hakan Fidan, NATO-nun baş katibi Yens Stoltenberqlə danışığı zamanı deyib.
Danışıqlar haqqında məlumatı isə ABŞ-ın dövlət katibi Antoni Blinken verib.
"Problemin həlli üçün çox çalışırıq və İsveçin NATO-ya üzvlüyü haqqındakı sənəd, il sonuna qədər ratifikasiya edilə bilər",- deyə Hakan Fidan bildirib.
Qeyd edək ki, 16 noyabr tarixində Türkiyə Böyük Millət Məclisinin (TBMM) Xarici Əlaqələr Komitəsində müzakirəyə çıxarılan İsveçin NATO-ya üzvlük ilə bağlı danışıqların təxirə salınması qərara alınıb.
Aytac Süleymanova
Twitter: a_alieva_
