Bakı. TurkicWorld:
Türkiyə xarici işlər naziri Hakan Fidan Belçikanın paytaxtı Brüsseldə Albaniyanın xarici işlər naziri İgli Hasani və Estoniyanın xarici işlər naziri Marqus Tsahkna ilə görüşüb.
TurkicWorld xəbər verir ki, bu barədə Türkiyə Xarici İşlər Nazirliyi məlumat yayıb.
Məlumata əsasən, Fidan və Hasani arasında keçirilən görüşdə Türkiyə ilə Albaniya arasında hər sahədə əməkdaşlığın gücləndirilməsi, Balkanlar və Qəzzada baş verən son hadisələr müzakirə edilib.
Tsahkna və Fidan arasında keçirilən görüşdə ikitərəfli münasibətlər, o cümlədən Ukraynadakı son hadisələr və NATO-nun gündəliyində duran məsələlər barədə fikir mübadiləsi aparılıb.
