Bakı. TurkicWorld:
Türkiyə xarici işlər naziri Hakan Fidan Qətərin xarici işlər naziri Şeyx Məhəmməd bin Əbdürrəhman Al Tani ilə telefonla danışıb.
TurkicWorld-un məlumatına görə, bu barədə Türkiyə XİN paylaşım edib.
Görüş zamanı, Qəzzadakı son hadisələr müzakirə edilib.
Qeyd edək ki, danışıqlar çərçivəsində İslam Əməkdaşlıq Təşkilatı - Ərəb Liqasının şənbə günü, noyabrın 11-də Ər-Riyadda keçirilən Fövqəladə Birgə Zirvə Toplantısında qəbul edilmiş qərarların icrası istiqamətində görüləcək işlər barədə fikir mübadiləsi aparılıb.
Xatırladaq ki, oktyabrın 7-də HƏMAS İsrail əleyhinə "Əqsa Tufanı" əməliyyatına başlayıb. Buna cavab olaraq, İsrail Qəzzada hərbi əməliyyatlara başlayıb.
Oktyabrın 7-dən Qəzza zolağında ölənlərin ümumi sayı 11 min 78-ə çatıb.
Hafiz Rufizoğlu
