Türkiyənin hava yolu şirkəti AnadoluJet 16 dekabrdan etibarən Ukraynanın Odessa şəhərinə səfərlər təşkil edəcək.
“AnadoluJet”dən TurkicWorld-a verilən məlumata görə, İstanbul ilə Odessa arasında qarşılıqlı uçuşlar həftənin 3 günü - cümə axşamı, şənbə və bazar günləri ediləcək.
Səfərlər İstanbul Sabiha Gökçen Havalimanından Türkiyə saatıyla 13.20-də, Odessa Havalimanından isə yerli saatla 14.35-də reallaşdırılacaq.
“AnadoluJet”in İstanbul Sabiha Gökçen Havalimanı çıxışlı gediş-dönüş bilet qiymətləri 82, Odessa Havalımanı çıxışlı gediş-dönüş bilet qiymətləri isə 56 dollardan satılır.
Sərnişinlər 31 dekabra qədər alacaqları biletlərdə 31 may 2022-ci ilə qədər dəyişiklik edə biləcəklər.
