Bakı,TurkicWorld
Qırğızıstan Prezidenti Sadır Japarov bu gün, sentyabrın 17-də Qazaxıstana işgüzar səfəri çərçivəsində Astanada Almaniya Kansleri Olaf Şolz ilə görüşüb.
TurkicWorld xəbər verir ki, görüşdə Qırğızıstan-Almaniya gündəliyinin siyasi, ticarət-iqtisadi, mədəni-humanitar sahələrdə cari məsələləri müzakirə olunub.
Japarov Qırğızıstanın Avropa İttifaqında Qırğızıstanın mühüm tərəfdaşlarından biri olan Almaniya ilə qurulmuş dostluq münasibətlərini yüksək qiymətləndirdiyini qeyd edib.
O, Qırğızıstan-Almaniya əməkdaşlığının fəallaşmasından məmnunluğunu ifadə edərək, Ştaynmayerin ötən il Qırğızıstana uğurlu rəsmi səfərini qeyd edib.
Prezident vurğulayıb ki, Qırğızıstanın əsas vəzifələrindən biri xarici investisiyaların cəlb edilməsi və beynəlxalq əməkdaşlığın gücləndirilməsidir. Bu istiqamətdə Almaniya Qırğızıstan tərəfi üçün mühüm tərəfdaşdır.
Olaf Şolz görüş imkanına görə Sadır Japarova təşəkkür edərək, Qırğızıstanla ikitərəfli münasibətləri inkişaf etdirməkdə maraqlı olduğunu məmnunluqla qeyd edib.
Görüşün yekunları üzrə tərəflər Qırğızıstan-Almaniya əlaqələrinin qarşılıqlı maraq doğuran bütün sahələrdə möhkəmləndirilməsi və inkişafı kursunun davam etdirilməsi barədə razılığa gəliblər.
