Bakı. TurkicWorld:
Qazaxıstan Respublikasının prezidenti Kasım-Jomart Tokayev 17-18 oktyabr tarixlərində Çinə rəsmi səfər edəcək.
TurkicWorld xəbər verir ki, Pekində Kasım-Jomart Tokayevin Çin lideri Si Cinpin, Çin Xalq Respublikası Dövlət Şurasının Baş naziri Li Qianq, Ümumçin Xalq Nümayəndələri Yığıncağının Daimi Komitəsinin sədri Zhao Leji ilə danışıqlar aparacağı, həmçinin, 3-cü "Bir kəmər, bir yol" beynəlxalq əməkdaşlıq forumunun iclasında iştirak edəcəyi gözlənilir.
Məlumata əsasən, Qazaxıstan lideri Çinin böyük şirkətlərinin rəhbərləri ilə də bir sıra görüşlər keçirəcək.
Ləman Əsədli
Twitter: Lamanasadli01