Bakı. TurkicWorld:
Bazar ertəsi dünyada neft qiymətlərindəki artım bir qədər ləngiməklə 5% təşkil edib. İnvestorlar OPEC+ ölkələrinin hasilatı azaltmaları haqqında xəbərləri qiymətləndirirlər.
TurkicWorld xəbər verir ki, sövdələşmə məlumatları bunu təsdiqləyir.
Brent markalı neftin iyun fyuçerslərinin qiyməti 4,87% artaraq bir bareli 83,78 dollara, WTI markalı neftin may fyuçerslərinin qiyməti 4,89% artaraq 79,37 dollara çatıb. Bazar ertəsi maksimal qiymət isə 81,58 dollar olub.
Bazar günü bir sıra OPEC+ ölkəsi, o cümlədən Səudiyyə Ərəbistanı neft hasilatını artıq mövcud olan kvotadan əlavə olaraq azaldacağını bildirib. Bu, may ayından 2023-cü ilin sonunadək reallaşdırılacaq və hasilat gündəlik 1,1 milyon barel təşkil edəcək.
"Bu tədbir bazara onların qiymətləri qoruyub saxlayacaqlarına dair aydın siqnal göndərir", - "Australia & New Zealand Banking Group Ltd."nin xammal üzrə baş strateqi Deniel Hayns "Bloomberg" agentliyinə deyib.
Ekspertin sözlərinə görə, həmçinin neft qiymətlərinin yenidən 100 dollara çatacağı ilə bağlı şans "qəti şəkildə artıb".
