Bakı, TurkicWorld
Ötən ilin yanvar-noyabr aylarında Azərbaycandan Xorvatiyaya 873,4 milyon ABŞ dolları dəyərində 1,4 milyon ton bitumlu süxurlardan alınmış xam neft və xam neft məhsulları ixrac edilib.
Bu barədə Turhttp://turkic.world/az/latest/kicWorld Dövlət Gömrük Komitəsindən məlumat əldə edib.
Məlumata görə, bu göstərici 2023-cü ilin eyni dövrü ilə müqayisədə dəyər ifadəsində 338,4 milyon ABŞ dolları və ya 63,2%, həcm ifadəsində isə 544,5 min ton və ya 61,1% çoxdur.
Bununla da, dövr ərzində Xorvatiya Azərbaycanın ən çox neft ixrac etdiyi ölkələr sırasında 3-cü pillədə qərarlaşıb.
Qeyd edək ki, sözügedən dövr ərzində bitumlu süxurlardan alınmış xam neft və xam neft məhsulları Azərbaycandan ən çox İtaliyaya ixrac edilib. Belə ki, ötən ilin yanvar-noyabr aylarında İtaliyaya Azərbaycandan 6,1 milyard ABŞ dolları dəyərində 9,9 milyon ton neft idxal edilib ki, bu da 2023-cü ilin eyni dövrü ilə müqayisədə dəyər baxımından 517,5 milyon ABŞ dolları və ya 7,8%, həcm baxımından isə 581,4 min ton və ya 5,6% azdır.
