Bakı. TurkicWorld:
Macarıstanın paytaxtı Budapeşt şəhərində “Azərbaycan, Gürcüstan, Macarıstan və Rumıniya arasında yaşıl enerjinin inkişafı və ötürülməsi sahəsində strateji tərəfdaşlıq haqqında Saziş”in icrası məqsədilə nazirlərin beşinci iclası keçirilib.
TurkicWorld xəbər verir ki, bu barədə Energetika naziri Pərviz Şahbazov "X" sosial şəbəkə hesabında yazıb.
“Budapeştdə 4 ölkənin, Bolqarıstan və Aİ-nin iştirakı ilə Yaşıl Enerji Dəhlizi üzrə səmərəli görüş keçirdik. Biz tenderdən dərhal sonra texniki-iqtisadi əsaslandırmaya başlamaq və müştərək müəssisə yaratmaq üçün dekabrda Bakıda nəqliyyat sistemi operatorlarının görüşünü keçirməyə razılaşdıq”, - nazir yazıb.
