Malayziya parlamenti Senati raisi o‘rinbosari Nur Jazlan Bin Muhammad boshchiligidagi delegatsiya a’zolari O‘zbekiston Respublikasi Markaziy saylov komissiyasiga tashrif buyurdi.
Uchrashuv avvalida MSK raisi Zayniddin Nizomxo‘jayev bu yilgi saylov jarayoniga innovatsion yondashilgani, jumladan elektron qurilmalardan keng foydalanilgani haqida batafsil ma’lumot berdi.
Mehmonlar o‘zbek xalqini O‘zbekiston Respublikasi Oliy Majlisi Qonunchilik palatasi va mahalliy Kengashlar deputatlari saylovi muvaffaqiyatli o‘tkazilgani munosabati bilan qutladi.
