BAKI,TurkicWorld
ABŞ Prezidenti Donald Tramp Səudiyyə Ərəbistanının paytaxtı Ər-Riyaddakı Kral Xalid Beynəlxalq Hava Limanına son hücumdan sonra İrana hərbi zərbələrin bərpası və husilərə qarşı əməliyyatlarda iştirak imkanlarını nəzərdən keçirdiyini bildirib.
TurkicWorld xəbər verir ki, Tramp Vaşinqtonun Səudiyyə Ərəbistanı ilə birlikdə Yəməndəki husilərə zərbələr endirə biləcəyini istisna etməyib.
Jurnalistlərin suallarını cavablandıran ABŞ Prezidenti son hücum barədə yeni məlumat aldıqlarını qeyd edib.
“Biz son hücum barədə indicə məlumat əldə etdik. Qərar verəcəyik”, – deyə Tramp bildirib.
O, mümkün hərbi addımlarla bağlı vəziyyətin nəzərdən keçiriləcəyini vurğulayıb.
Qeyd edək ki, Tramp bundan əvvəl ABŞ-ın noyabrın 3-də keçiriləcək aralıq seçkilərinədək İrana hərbi zərbə endirməyəcəyini açıqlamışdı.
